我哋係「張志宇律師行」當中嘅一個部門，專責處理訂立遺囑、遺產承辦、同埋遺產訴訟等法律事務。

你首先要摷吓屋企同埋其他有可能嘅地方，四圍問吓親戚或者死者嘅律師等等，睇吓佢有冇留低平安紙，亦即係遺囑。如果有，就要睇吓死者喺份遺囑入面委託咗邊個做佢遺產執行人。遺囑執行人有責任去高等法院嘅「遺產承辦處」辦理遺產承辦手續，喺攞到「遺產承辦書」之後，再根據遺囑內容分派死者遺産給受益人。

如果死者有銀行保險箱，可以試吓自己或經由律師，安排去銀行辦理開保險箱手續，以確定入面有冇遺囑。又或者試吓經由我哋律師，透過香港律師會進行遺囑搜查，因為死者生前可能會經某一律師行訂下遺囑。死者嘅遺囑會對佢遺產嘅分配有決定性影響，所以一定要仔細搜尋。

「遺產承辦書」係高等法院發出嘅證明文件，容許遺產代理人合法地處理死者嘅財產。而「遺產承辦書」係一個統稱，如果死者有留低遺囑，法院發出嘅就叫「授予遺囑認證書」，如果冇遺囑，就叫「授予遺產管理書」。淨係名稱都煩到爆，我哋都係簡單 D 喺呢度統稱佢地做「遺產承辦書」算嘞。

如果遺產總值唔超過HK$150,000，浄係得現金、銀行存款同強積金，你可以試吓搵「遺產承辦處」嘅「公眾申請組」協助，用簡易方式處理。如果遺產總值再少 D ，唔超過HK$50,000，而且全部係現金，仲可以搵民政事務總署轄下嘅「遺產受益人支援組」幫手，以獲發確認通知書去處理遺產。

擅自處理死者遺產係刑事罪，可被罰款HK$10,000同繳交附加費，所以如果有任何疑問，應立即搵律師，高等法院嘅「遺產承辦處」，或民政事務總署轄下嘅「遺產受益人支援組」問吓喇。

死者嘅財產會根據「無遺囑者遺產條例」定下嘅規則，由某近親，通常係配偶，取得「遺產承辦書」，再根據有關規則所定下嘅優先次序，分派俾受益人。籠統嚟講，有權申請「遺產承辦書」嘅首先會係配偶。如配偶已歿，就會輪到子女。如又沒有子女，就會輪到死者嘅父母親等等。

根據「無遺囑者遺產條例」定下嘅規則，遺產在扣除死者嘅債務、稅項、葬禮費用同遺產管理費用之後，會依照某特定方或同比例分配，例如：
（a）如果死者只剩低一名配偶，但冇後裔、父母、有血緣關係（同父母）的兄弟姊妹、或上述兄弟姊妹嘅後裔，噉樣在生嘅配偶就有權攞到死者嘅剩餘遺產。

（b）如果死者剩低配偶同後裔，無論死者有冇父母或兄弟姊妹在生，死者嘅配偶可先攞到：（i）死者所有嘅非土地實產；（ii）剩餘遺產中嘅 HK$500,000。喺上述 HK$500,000 分發後，如果仲有剩，就會再分成兩半，一半分發俾配偶，另一半則平均分發俾死者嘅所有子女。

（c）如果死者剩有後裔，即使配偶亦已離世，死者嘅父母同兄弟姊妹都唔會得到任何遺產，換句話說，每房後裔可平均分到死者嘅遺產。

（d）如死者冇剩低後裔，噉樣即使配偶仍然在生，死者嘅父母同兄弟姊妹亦可以分得遺產。在生的配偶可先攞到以下遺產：（i）死者所有嘅非土地實產；（ii）由剩餘遺產中得到 HK$1,000,000。喺上述的嘅 HK$1,000,000 分發後，如果仲有剩餘遺產，就會分成兩半，一半分發俾配偶，另一半則分發俾死者嘅父母。

其實未算，因為仲有 D 情況可以係死者只剩低兄弟姊妹，又或者其他遠親等等。如果你搵我哋律師幫手，噉咪唔使自己煩囉。

一般嚟講，死者生前可以訂立遺囑安排將來死後點樣處理自己嘅財，但法律仍然有若干例外嘅情況。你應該即刻搵我哋律師傾吓，睇吓可唔可以根據「財產繼承（供養遺屬及受養人）條例」要求法庭頒令容許你可獲得某些分配，在呢個法例底下，就算係冇名冇份嘅同居伴侶、私生子女等亦有機會受惠。另外，亦可考慮死者在立遺囑時嘅精神狀態同自願性，睇吓可唔可以直接挑戰死者喺立遺囑時有冇擁有相關嘅精神行為能力。

如果你就住死者遺產打算有任何索償或要求，最好先搵我哋律師入一份叫「知會備忘」嘅文件，暫時阻止任何人領取「遺產承辦書」，廢事有人搶先攞到「遺產承辦書」後就分派哂所有遺產，到時就真係拗到都冇用。我哋會再詳細研究你的案件，決定如何處理。

呢類情況隨時引發遺產官司或其他商業訴訟，你最好立即搵我哋律師商量同諮詢，準備案件。

絕對係！其實而家 D 人思想好開通，好少再好似舊時咁避忌，只要你年滿十八歲，就有權訂立遺囑，俗稱「平安紙」。一般費用不高，做好後將來可隨時修改或另立。現在做定，亦可慳返將來後人申請承辦時的部分舉證費用，一舉數得。

唔一定，但我哋強烈建議你搵律師去做。遺囑係重要法律文件，千億財產都可單憑一份遺囑就決定去向，所以高等法院在審批承辦申請時都十分仔細。做遺囑必須依從一定格式，遇有年紀老邁、健康情況不皆嘅立遺囑者，要求尤其嚴格，否則將來遇上有人挑戰遺囑嘅有效性，死無對證，份遺囑有可能會被裁定無效，所以你最好正式搵律師去處理